AFRA, ITALA, VULGATA

   

   

   LVC., IV, 24-27

   

   AFRA: Ille autem dixit illis: "Amen dico uobis, quia multae uiduae fuerunt in diebus Heliae in
   Isdrahel, quando conclusum est caelum annis tribus et mensibus sex, quomodo facta est famis in
   omnem terram; et ad nullam illarum missus est Elias, nisi in Sarepta Sidonae ad mulierem
   uiduam. Et multi leprosi erant in Isdrahel tempore Eliae profetae; et nemo ex eis emundatus
   est, nisi Neman Syrus."

   ITALA: Ait autem Jesus: "Amen dico uobis, quod nemo propheta acceptus est in patria sua. In
   ueritate dico uobis, multae uiduae fuerunt in diebus Heliae in Istrahel, quando clusum est
   caelum annis tribus et mensibus sex, cum facta est famis magna in omni terra; et ad nullam
   illarum missus est Helias, nisi in Sarepta Sidoniae ad mulierem uiduam. Et multi leprosi erant
   in Istrahel sub Heliseo propheta; et nemo eorum mundatus est, nisi Neman Syrus."

   VULGATA: Ait autem: "Amen dico uobis, quia nemo propheta acceptus est in patria sua. In
   ueritate dico uobis, multae uiduae erant in diebus Heliae in Israhel, quando clausum est
   caelum annis tribus et mensibus sex, cum facta est fames magna in omni terra; et ad nullam
   illarum missus est Helias, nisi in Sareptha Sidoniae ad mulierem uiduam. Et multi leprosi
   erant in Israhel sub Helisaeo propheta: et nemo eorum mundatus est, nisi Neman Syrus."

   

   

   LVC., X, 30-35

   

   AFRA: Homo quidam ascendebat ab Hierusalem in Ierico et incidit in latrones, qui et
   spoliauerunt illum et uulnerauerunt et demiserunt semiuium. De repente autem sacerdos quidam
   discendens per illam uiam, cum uidisset illum, praeteriuit. Similiter autem et Leuitis, cum
   uidisset illum, praeteriuit. Samarites autem quidam iter agens uenit secundum illum et, cum
   uidisset illum, commotus est. Et accesit et afligauit uulnera eius et infundens oleum et uinum
   et imposuit super suum iumentum et in stabulum deduxit et curam eius habuit. Et altera die
   protulit denarios duos et dedit stabulario et dixit: "Adtende illi et quidquid supererogaueris
   in redeundo ego tibi reddam."

   ITALA: Homo quidam descendebat ab Hierusalem in Hiericho et incidit in latrones, qui etiam
   despoliauerunt illum et, plagis impositis, abierunt semiuiuo relicto. Sacerdos quidam
   descendebat eadem uia et, uiso illo, praeteriit. Similiter et Leuita, cum esset secus locum et
   uideret sum, pertransiit. Samaritanus autem quidam iter faciens uenit secus sum et uidens sum
   misericordia motus est. Et accedens alligauit uulnera eius infundens oleum et uinum et
   imponens illum in iumentum suum duxit ad stabulum et curam eius egit. Et altera die protulit
   duos denarios et dedit stabulario et ait: "Curam illius habe et quodcumque supererogaueris ego
   reuertens reddam."

   VULGATA: Homo quidam descendebat ab Hierusalem in Hiericho et incidit in latrones, qui etiam
   despoliauerunt eum et, plagis impositis, abierunt semiuiuo relicto. Accidit autem ut sacerdos
   quidam descenderet eadem uia: et, uiso illo, praeteriuit. Similiter et Leuita, cum esset secus
   locum et uideret eum, pertransiit. Samaritanus autem quidam iter faciens uenit secus eum et
   videns eum misericordia motus est. Et adpropians alligauit uulnera eius, infundens oleum et
   uinum et inponens illum in iumentum suum duxit in stabulum et curam eius egit. Et altera die
   protulit duos denarios et dedit stabulario et ait: "Curam illius habe et quodcumque
   supererogaueris ego cum rediero reddam tibi."

   

   

   LVC., XI, 2-4

   

   AFRA: Ille autem dixit illis: "Cum orates, dicite: `Pater noster, qui es in caelis,
   sanctificetur nomen tuum, adueniat regnum tuum, fiat uoluntas tua in caelo et in terra. Panem
   nostrum cotidianum da nobis hodie et demitte nobis debita et peccata...'"

   ITALA: Et ait illis: "Cum oratis, dicite: `Pater sancte, qui in caelis es, sanctificetur nomen
   tuum, ueniat regnum tuum, fiat uoluntas tua sicut in caelo et in terra. Panem nostrum
   cottidianum da nobis hodie et dimitte nobis debita nostra sicut et nos dimittimus debitoribus
   nostris. Et. ne nos induces in temptationem, sed libera nos a malo.'"

   VULGATA: Et ait illis: "Cum oratis, dicite: `Pater, sanctificetur nomen tuum, adueniat regnum
   tuum. Panem nostrum cottidianum da nobis cottidie et dimitte nobis peccata nostra, siquidem et
   ipsi dimittimus omni debenti nobis. Et ne nos inducas in temptationem.'"