De Alexandri de Villa Dei Doctrinali in scholis Bohemicis medii aevi exeuntis usitato.

            In documentis pluribus, quibus probari potest litteras cultusque Bohemiae aetate medii
aevi in orbe Latino occidentali locum habuisse, animadvertimus opus ad usum scholarum grammaticam
Latinam explicans „Doctrinale“ intitulatum, cuius auctor Alexander de Villa Dei (1160/70 – cca
1240) est observantes voces Bohemicas singulas, sententias breves necnon adnotationes varias, quae
in editione (incunabula ita dicta, GW 1078) „Doctrinalis“ anno 1497 Norimbergae apud Antonium
Koberger typis excusa, Brunae in Bibliotheca terrae Moraviae asservata, occurrunt. Adnotationes
illae, plerumque in  marginibus diversarum foliorum, non immediate textum „Doctrinalis“ ipsum,
verum creberrime Gerardi Zupthaniensis Coloniensis  expositionem (1488) attinent, cui nomen
„Glossae notabili“ fuit.