JULIE NOVÁKOVÁ

Bohemorum saec. XVII^o exulantium carmina aliquot


Agitur de quinque epicediis post pugnam in Monte Albo commissam scriptis editisque, at in
Enchiridii vol. I/V neque memoratis neque usquam reeditis; quae J. A. Comenii versus nuper
tractantes invenimus. Horum epicediorum quattuor post Mauritii Hessensis († 1632) mortem sunt
conscripta, tria distichis Latinis, unum rhythmis Hispanicis ipsius obitum lugentia virtutesque
laudantia. Poema quintum Philippi Held consulis Lesnensis a. 1655 demortui exhortatio est ad
superstites ficta a Carolo Screta, Borusso nobili, qui cum pictore Bohemo eiusdem nominis certe non
est idem; qua de causa hoc epitaphium carminibus illis Mauritianis ut aenigma quoddam genealogicum
subiunxi.

Supplementum VI. ad carmina aliquot alia, itidem post a. 1620 orta, adnotatinculas forsan non
inutiles continet.


De Iosephi Hrabák versologia Latino-Bohemica

Philologus doctissimus versologusque curiosus J. H. per occasionem etiam carminum Latinorum
Graecorumque Bohemice versorum formam aptitudinemque scrutans, duas versuum illorum nostra linqua
imitationes collaudavit: tum stichorum originalium metrum qua possibile conservantem (utut
antiquorum ictum accentu nostro acuto compensantem), tum poema rhythmis apud nos usitatis
induentem. An hoc aut illud, non solum a translatoribus, sed etiam ex lectorum nostrorum eruditione
temporumque mutationibus saporibusque (e contextu scilicet actuali) iure optimo pendet.


prosím,, na příště si připravte, nemusíte mi posílat, pouze druhý z těchto textíků (J. Hrabák)