CANTARES ASTURIANOS 2

                                            17/05/2010


http://yetube.nireblog.com/cat/musica

http://www.premiumeyorcantar.es/finalistes/2


Tierra (Xera)


Había un llugar del qu’un vieyu faló enllenu de viesques, de verde pación.

D’altes montañes que críen la flor,

 d’un pueblu que-y reza a a la lluna y non al sol.

¿Ónde tas, tierra? ¿Ónde tas, flor?

 ¿Ónde ta’l gritu que me despertó? Que despierte la xente y devuelvan so voz.


Munchu camín tuvo que recorrer buscando aquel sitiu que siempre suañó.

 Buscando la xana qu’un día besó. Embaxo d’un texu la besó.

¿Ónde tas, madre? Acuéyime vós.

 ¿Ónde tas, casta del mio corazón? Que despierte la xente y garremos la flor. Y garremos la flor.

Que retorne l’orbayu esi que mos moyó.

 Que retorne aquel llantu en qu’un pueblu ñació. Que güeyemos al cielu y garremos la flor. Y
garremos la flor.

«Anque teas lloñe, escúchote. Sé que tas ehí, onde siempre tuvisti. Esperándome. Onde siempre
tuvisti. Llorándome. Pa ver cómo yera enantes, para ver otra vez.»












La casa’l mieu (Misiva)


Xusticia y dignidá, dos suaños lloñe d’una tierra que sufre.

La última oportunidá namái se dexa ver al otru llau de la mar de suaños.

Renacer nun mundu meyor.

Bienllegaos a un llugar que piensa que sois solo un problema.

Bienllegaos a la casa del mieu.

Mieu a devolvevos la vuesa dignidá.

El suañu terminó.

El paraísu nun s’alcuentra a esti llau.

Una frontera, un papel, ye tolo que sois a esti llau de la mar de suaños.

Renacer nun mundu meyor.

Bienllegaos a un llugar que piensa que sois solo un problema.

Bienllegaos a la casa del mieu. Mieu a devolvevos la vuesa dignidá.

Ún, dos, tres... ¡Yá!

Dalgo hai que cambiar.

¿Cuánta xente podíamos salvar?

So agonía, to pasividá.

Y ye’l momentu de reconocer que tenemos deldes que pagar.