In nomine Domini amen. Cum universa negocia, que in statu solito manere desiderant,
litterarum fiunt testimoniis certiora, sciant igitur tam posteri quam presentes, cuiuscumque
condicionis sint vel nature, presentem paginam inspecturi, quod nos Marquardus de Reuhs
hereditatem in Kanitz , terciam partem ville, quam ex parte domine Agnetis, uxoris nostre,
usque ad finem vite sue iure hereditario possidere debuimus, ipsam videlicet supradicte ville
partem, W. preposito ecclesie Knezicensi et suis successoribus pro decem marcis argenti
coram beneficiariis Znoymensis provincie vendimus et resignamus cum universis pertinenciis
nulla nos necessitate cogente, sed de propria bona voluntate nostra et eciam supramemorate
domine uxoris nostre in perpetuum libere possidendam. Ne igitur dubium postmodum oriatur
de hac vendicione, ipsam conscribi fecimus et sigilli nostri munimine communiri. Huius rei
testes sunt: Theodericus de Kneisitz, Lupus de Blauzt, Laurentius de Mertnitz, Banzo de
Razuwitz, Laurentius de Wietenz, Zirna de Crilowitz, Vbizlaus de Borotitz, Bohus de
Cuparuwitz cum fratre suo Prozzimero et alii quamplures. Acta sunt hec anno Domini
Mo
Co
Co
LXXVIII, III kalendas mai.
Martinus episcopus, servus servorum Dei, dilectis in Christo filiabus abbatisse et conventui
monasterii sancte Crucis in Dobrauig, ordinis sancti Augustini, Olomucensis diocesis, salutem
et apostolicam benedictionem. Sacrosancta Romana ecclesia devotos et humiles filios ex
assuete pietatis officio propensius diligere consuevit et, ne pravorum hominum molestiis
agitentur, eos tamquam pia mater sue protectionis munimine confovere. Eapropter, dilecte in
Christo filie, vestris iustis postulationibus grato concurrentes assensu personas vestras et
monasterium, in quo divino estis obsequio mancipate, cum omnibus bonis, que
impresentiarum rationalibiter possidetis aut in futurum iustis modis prestante Domino
poteritis adipisci, sub beati Petri et nostra protectione suscipimus. Specialiter autem decimas,
terras, domos, vineas, villas, possessiones et alia bona vestra, sicut ea omnia iuste ac pacifice
possidetis, vobis et per vos eidem monasterio auctoritate apostolica confirmamus et presentis
scripti patrocinio communimus, salva in predictis decimis moderatione concilii generalis.
Nulli ergo omnino hominum liceat hanc paginam nostre protectionis et confirmationis
infringere vel ei ausu temerario contraire. Si quis autem hoc attemptare presumpserit,
indignationem omnipotentis Dei et beatorum Petri et Pauli apostolorum eius se noverit
incursurum. Datum apud Vrbem Ueterem, XV kalendas mai, pontificatus nostri anno
secundo.