Vývoj jazyka – francouzština


                                       La Chanson de Roland



Li empereres est par matin levet;

Messe e matines ad li reis escultet.

Desuz un pin en est li reis alez,

                                              Lucia Brozová

Ses baruns mandet pur sun cunseill finer:

Par cels de France voelt il del tut errer.

Li emper[er]es s'en vait desuz un pin.

                                              Martina Červinková

Des Francs de France en i ad plus de mil.

Guenes i vint, ki la traïsun fist.

Des ore cumencet le cunseill que mal prist.

                                              Lenka Davidová

«Seignurs barons,» dist li emperere Carles,

«Li reis Marsilie m'ad tramis ses messages;

De sun aveir me voelt duner grant masse,

                                              Pavla Hradecká

Urs e leuns e veltres caeignables,

Set cenz cameilz e mil hosturs muables,

Quatre cenz mulz cargez del´or d´Arabe,

                                              Michaela Jenišová

Avoec iço plus de cinquante care;

Mais il me mandet que en France m'en alge:

Il me sivrat ad Aís, a mun estage,

                                              Ivana Jurigová

Si recevrat la nostre lei plus salve;

Chrestiens ert, de mei tendrat ses marches;

Mais jo ne sai quels en est sis curages.»

                                              Iva Kouřilová

Dient Franceis: «Il nus i cuvent guarde!»

Li empereres out sa raisun fenie.

Li quens Rollant, ki ne l'otriet mie,

                                              Michaela Makuchová

En piez se drecet, si li vint cuntredire.

Il dist al rei: «Ja mar crerez Marsilie.

Set anz [ad] pleins, que en Espaigne venimes;

                                              Dorota Navrátilová

Li reis Marsilie i fist mult que traïtre:

De ses pai[ens il vus] enveiat quinze,

Cha(n)cuns portout une branche d'olive;

                                              Ksenija Pelc

Nuncerent vos cez paroles meïsme.

A vos Franceis un cunseill en presistes: [...]

Faites la guer[re] cum vos l'avez enprise!»

                                              Dalibor Žíla