Sos Nuraghes
7.3.2016
Sos nuraghes sun fràigos de forma cònica fatos de pedra, chi s'agatant isceti in Sardigna. Como
sunt 7000 mìgia. Sos prus mannos e imponentes sunt istados costruidos in su 1500 a.c. e podent
tènnere un'artària fintzas de 19 (deghenoe) metros.
Sos nuraghes curripondent a una tipologia de fràigu de diferentes formas e medidas. Esistint
nuraghes a una turre e cun tres o bator turres, cun bastiones, ellissoidales etc.
Sunt istruturas chi carchi istòricu narat chi sunt "megalìticas", fatas cun rocas e pedras mannas chi
fintzas oe no ischimus cun cale tècnica podiant pesare o artziare sas pedras a subra de su nuraghe.
S'istruttura printzipale interna est a cùpula (a sestu acutu) e sa forma esterna est a conu. Su pesu de
sas pedras postas in custa manera est importante pro totu s'istrutura e est arribadu a tempos de oe in
un'istadu de cunservatzione bonu meda, otimale!
Oe no ischimus galu a ite serbiant sos nuraghes chi sunt istados fraigados 3.500 annos faghet (tres
mìgia e chimbichentos). Carchi istudiosu narat chi fiant istruturas de difesa, carchi àteru istudiosu
narat chi serbiant a pònnere su trigu o su màndigu. Sa teoria prus atzetada narat chi sos nuraghes
prus mannos fiant palàtzios reales e cussos prus minores fiant un'istrumentu pro pòdere abbaidare
su territòriu pro sos perìgulos de sos inimigos e naturales.
S'etimologia de “nuraghe” est galu de iscobèrrere: b'est chie narat chi benit dae nurra 'muntone de
pedras' e b'est chie narat chi sa paràula tenet una currispondètzia cun sas limbas semìticas.
Sos nuraghes tenent una ghenna chi est orientada semper a sa matessi diretzione.
Cada nuraghe teniat una possibilidade de vista de àteros tres. In àteras paràulas, una persone chi fiat
a subra de unu nuraghe podiat bìdere/comunicare/avisare a àteras tres personas de àteros tres
nuraghes.