It'est su pronùmene
Unu pronùmene est un'elementu linguìsticu impreadu a su postu de un'àteru o de
àteros nùmenes segundu sa funtzione deìtica.
Sa prima cosa chi tocat de fàghere est a ischire s'ogetu o cumplementu de sa frase.
Custu cumplementu inditat a chie o a ite s'atzione de su verbu est direta. Pro la
fàghere prus fàtzile, depimus partzire sos cumplementos in duas categorias
printzipales: cumplementu diretu e cumplementu indiretu.
Pro cumprèndere comente funtzionant sos pronùmenes in sardu tocat de ischire sa
diferèntzia intre su cumplementu diretu e indiretu.
Cal'est sa diferèntzia intre su cumplementu diretu e su cumplementu indiretu?
• Su cumplementu o ogetu diretu est sa parte de sa frase chi ritzevit in manera
direta s'atzione de unu verbu transitivu
Esempru: sos pitzinnos abbàidant sa televisione
Su cumplementu diretu tenet vàrias propiedades:
1. respondet a sa pregunta: “ite?” o “a chie?”
◦ M'agradat a bìdere s'ispetàculu. Ite mi praghet a bìdere?
◦ Su ditadore at conchistadu sa Gàllia. A chie at conchistadu su ditadore?
2. Si podet sustituire semper cun sos pronùmenes àtonos lu/ddu, la/dda, los/ddos,
las/ddas:
◦ m'agradat a lu bìdere (s'ispetàculu)
◦ su ditadore l'(a) at conchistada (sa Gàllia)
◦ m'agradat a los bìdere (sos ispetàculos)
◦ su ditadore las at conchistadas (sas terras de sa Gàllia)
3. Su cumplementu diretu podet èssere formadu dae:
◦ unu sintagma numenale: Pedru at iscritu sos apuntos
◦ unu pronùmene: Sa mama e su babbu lu cherent
Pro cumprèndere a ite serbint sos pronùmenes, tocat a leare in cunsìderu sa
capatzidade de sìntesi comunicativa in una frase comente custa: In butega mi
còmporo unu paninu, in domo mi preparo su paninu e in su traballu mi màndigo su
paninu.
In custa frase sa paràula paninu si ripitit tres bortas e est una ridundàntzia chi podet
èssere sustituida dae su pronùmene àtonu C.D. lu: in butega mi còmporo unu paninu,
in domo mi lu preparo e in su traballu mi lu màndigo.
Esempros de cumplementu diretu:
• Chèrgio bìdere domo tua
• Apo passadu s'esàmene
• Su ditadore at conchistadu paritzos territòrios
• Pedru màndigat pane
• (nois) Abbarramus a frade tuo
Si podet finas sustituire una frase intrea:
1. pregunta: a l'ischis ite ora est?
Resposta: no, no l'isco (it'ora est)
Pronùmenes de cumplementu diretu Direct object pronouns
MI ME
TI YOU
LU HIM/IT (M.Sing.)
LA HER/IT (F. Sing.)
NOS US
BOS YOU
LOS THEM (M. Sing.)
LAS THEM (M. Sing.)
Carchi esempru simple de pronùmenes de cumplementu diretu:
1. Giuanne m'est abbarrende a domo
2. Maria ti so bidende bene
3. Leo su libro ⇒ lu leo
4. Màndigo sa sìndria ⇒ la màndigo
5. Nois non resessimus a iscrìere in russu, a nos agiuas pro praghere?
6. Si falades a pratza, bos cùmbido
7. Abbàido su tempus ⇒ l'(u) abbàido
8. Difendet a sos animales ⇒ los difendet
9. Leghet sas retzetas ⇒ las leghet
atintzione:
Non si aunit su pronùmene a su verbu comente in italianu e ispanniolu. Esempru:
1. cun s'imperativu: Màndiga·lu; tzèrria·lu...
2. cun su gerùndiu: Mandighende·lu; tzerriende·lu...
Cun su verbu a s'infinitu, francu casos raros, su pronùmene andat postu primu de su
verbu. esempru:
Pregunta: A la potzo abbaidare sa televisione?
Resposta: eja, la podes abbaidare
Pregunta: A lu potzo leare su libru?
Resposta: eja, lu podes leare
Cumplementu indiretu
Su cumplementu indiretu ìnditat s'ogetu de s'atzione chi su verbu esprimit ma càmbiat
in s'istrutura e est cullegadu a su verbu cun una prepositzione: a, de, pro, contra,
cun...
In sardu lu podimus reconnoschere ca si podet sustituire cun li/ddi e lis/ddis e in
tzertos casos cun si.
Giuanne at pagadu sa domo de sa mama = li at pagadu sa domo
Apo naradu a sos pitzinnos de non giogare = lis apo naradu de non giogare
Ischema de sos pronùmenes cun sa prepositzione a
Primu de su verbu
(tònicos)
A pustis de su verbu
(àtonos)
singulare singulare
mi a mie
ti a tie
li a isse/a
plurale plurale
nos a nois
bos a bois
lis/ddis a issos/as
Esempros
Primu de su verbu A pustis de su verbu
singulare singulare
(tue) mi faeddas (tue) faeddas a mie
(deo) ti faeddo (deo) faeddo a tie
(deo) li faeddo (deo) faeddo a isse/a
plurale Plurale
(tue) nos faeddas (tue) faeddas a nois
(deo) bos faeddo (deo) faeddo a bois
(deo) lis faeddo (deo) faeddo a issos
In custas frases chi sighint s'impreu de sos pronùmenes est pleonàsticu:
1. a mie mi praghet sa mùsica
2. a tie ti mancat sa boghe
3. A Bartzellona andadu bi ses?
Ischema de sos pronùmenes cun sa prepositzione de
Singulare plurale
de mene de nois
de tene de bois
de isse/a de issos/as
Esempros:
1. A seguru b'at gente prus istudiada de mene
2. Iscrìere in sardu faghet de mene un'iscritore sardu
3. A cùrrere so peus de tene
4. No apo faeddadu de tene
5. Deo so mègius de issa
6. Tue ses prus bellu de isse
7. Chistionant de nois!
8. Sos professores sunt faeddende de bois
9. Cuddos sunt prus intelligentes de issos
10. Sa paghe est intro de issas
Ischema de sos pronùmenes cun sa prepositzione pro
Singulare plurale
pro mene pro nois
pro tene pro bois
pro isse/a pro issos/as
Esempros:
1. Pro mene sa chistione est diferente
2. custu regalu est pro tene
3. pro isse/a sa fide est una chistione personale
4. su sardu pro nois est una limba normale
5. Giuanne m'at dadu custa cosa pro bois
6. pro issos/as ant pèrdidu pro neghe de su portieri
Sa prepositzione pro in sardu cando no at balore dativale podet èssere sustituida dae
sa prepositzione impròpia segundu:
segundu mene; segundu tene; segundu isse/a...
Ischema de sos pronùmenes cun sa prepositzione dae
Singulare plurale
dae mene dae nois
dae tene dae bois
dae isse/a dae issos/as
Esempros:
1. Ite cheres dae mene?
2. So a tesu dae tene
3. Dae isse/a benint totu sas crìticas
4. Custos traballos sunt istados fatos dae nois
5. dae bois sos pitzinnos ant connotu sa passione
6. at otènnidu dae issos/as un incàrrigu importante
Ischema de sos pronùmenes cun sa prepositzione cun
Singulare plurale
cun megus cun nois
cun tegus cun bois
cun isse/a cun issos/as
Esempros:
1. depes bènnere cun megus
2. depo andare cun tegus
3. so cun isse/a in sa vetura
4. a bi cheres giogare cun nois?
5. bèngio cun bois sa chida ch'intrat
6. ando cun issos como